Bon bini na e wèpsait di Iglesia Grasia Abundante

SMIGA

BON BINÍ serka nos den e huki pa muchanan: SMIGA

SMIGA ta e Ministerio di IGA pa muchanan di 1 te ku 12 aña durante e 2 sirbishinan di djadumingu mainta. Ta netamente esaki nos nòmber ta para pe, esta Sirbishi pa Mucha di Iglesia Grasia Abundante. Akinan e muchanan ta haña guia i lèsnan tokante Dios den un ambiente sano i sigur.

Proverbionan 22:6 ta bisa: ”Siña un mucha fo’i chikitu pa e sigui e bon kaminda, ya ora e bira mas grandi e n’ ta kita fo’i dje”. Esaki ta nos versikulo lema i e ta alabes e fundamentu di nos ministerio. Komo maestronan di SMIGA, nos ta gusta traha ku muchanan. Nos ke obedese Dios su palabra. I nos fe i konfiansa ta ku e promesa ku E ta duna den e versikulo aki, lo keda kumpli den bida di kada mucha ku asisti serka nos.

Nos Meta: Na unda nos ke yega?
Den SMIGA nos ta traha huntu pa tur mucha di 1 – 12 aña konose Hesus, asept’É i biba p’E. Es decir pa e bira un disipel di Hesus. Nos ta hasi esaki tur djadumingu usando materialnan di Discipleland.com.
E muchanan ta haña enseñansa i formashon di e bèrdatnan di Dios den formanan atraktivo, diferente i segun nivel di edat.
Klek riba e logo di Discipleland na man drechi aki pa mira un film kortiku pa haña un impreshon di e lèsnan.Discipleland

 

Ki Ora i na Unda?
Nos tin SMIGA tur djadumingu mainta.
E orarionan di nos sirbishinan ta:
•    08.00 – 09.30 (promé sirbishi);
•    10.00 – 119.30 (di dos sirbishi)
E muchanan di 1 – 12 aña ta wòrdu partí den 3 grupo:
•    1-4 aña;
•    5-8 aña;
•    9-12 aña
Lugá: E muchanan di 1 – 8 aña ta bai na Happy Villa Enrichment Center. Pa lokalisá Happy Villa por skucha e audio aki pa un deskripshon, e adres ta Professor Kernkampweg 10.
E muchanan di 9 – 12 aña tin nan sirbishi na Sentro Grasia, Zuikertuintjeweg z/n

Persona di kontakto: Gina Margaretha telefon +5999 510 2664